Pannekoek met Heerlijk nastergal-jogurtroom

Vul pannekoek met ’n skep purper nastergal- konfyt en ’n lepel jogurtroom vir ’n vinnige, heerlike nagereg.

Pannekoek

■ 310 ml koekmeel ■ 5 ml bakpoeier ■ 5 ml strooisuiker ■ Knippie sout

■ 2 ekstragroot eiers
■ 250 ml melk
■ 250 ml water, plus ekstra indien nodig
■ 30 ml elk brandewyn en suurlemoensap ■ Olie, vir braai

Vulsel

■ 250 ml room
■ 60 ml versiersuiker, gesif
■ 10 ml vanieljegeursel
■ 125 ml dik, natuurlike jogurt ■ 150-180 ml nastergalkonfyt

Meng die droë bestanddele vir die pannekoek saam in ’n bak. Klits die eiers, melk, 250 ml water, brandewyn en suurlemoen- sap saam en voeg by die droë bestanddele. Klits tot ’n gladde beslag sonder klonte. (Pannekoekbeslag moet so dik soos skink- room wees. As die beslag te dik is, voeg ’n bietjie water by en klits deur.) Verhit ’n bietjie olie in ’n kleefvrye pannekoekpan en skep ’n groot lepel vol van die beslag daarin. Draai en kantel die pan tot die boom met beslag bedek is. Verhit tot borreltjies bo-op vorm en die pannekoek van die kant van die pan af loskom. Draai versigtig om en braai tot gaar aan die ander kant. Herhaal die proses met die res van die beslag. Gooi ná elke derde pannekoek weer ’n klein bietjie olie in die pan. Hou die pannekoeke eenkant warm.